A Deputación de Ourense aproba a concesión de máis dun millón de euros para cooperación con concellos
A maior parte deste paquete, case 700.000 euros, destinarase ao financiamento de 15 proxectos municipais.
Por E.P. | OURENSE | 15/05/2023 | Actualizada ás 18:13
A Xunta de Goberno da Deputación de Ourense, presidida por Manuel Baltar, aprobou este luns a concesión de algo máis dun millón de euros en axudas para cooperar con iniciativas de concellos e entidades da provincial.
A maior parte deste paquete, case 700.000 euros, destinarase ao financiamento de 15 proxectos municipais en Arnoia (para a organización do XVI Atopo Vilas Termais da FEMP), Bande (para Servizos Sociais e para o proxecto Xurés Experience), Boborás (obras de humanización) e Cartelle (gastos de aloxamento para o torneo de fútbol sala).
Por outra banda, Leiro recibirá tamén unha axuda para o acondicionamento da rúa Real; A Merca terá axuda para soterrar cableado en Parderrubias; A Mezquita para inventariar os bens municipais; Padrenda para a cuberta do campo da festa de Corgua; San Amaro para mellorar camiños parroquiais; e San Xoán de Río para melloras en beirarrúas. A Xunta de Goberno tamén deu luz verde a axudas para Vilamartín de Valdeorras, A Veiga, e os núcleos rurais de Meda, Corexido, Lamalonga, Requeixo e Castromao.
No que respecta a entidades, aprobáronse axudas para a CEG, para programas de actividades na provincia; para a asociación Semente de Monforte; a Fundación Carlos Velo; a Asociación Cultural Porta dá Cadea; para o GDR Limia-Arnoia; a Asociación Musical de Trasmiras; a Asociación Cultural Amigos Camiño Mozárabe; e para a organización do XII Congreso Internacional de Asociacións Xacobeas celebrado en Ourense.
Tamén foron beneficiarias de axudas diversas entidades deportivas, entre elas a organización de 'O Gran Camiño 2023'; a escuadra Luíntra para a organización do Rallye Ribeira Sacra; ou o Club Deportivo Arenteiro.
