A profesora galega María Antonia Señarís ingresa na Real Academia de Ciencias
Por E.P. | SANTIAGO DE COMPOSTELA | 30/06/2023 | Actualizada ás 13:03
A Real Academia de Ciencias Exactas, Físicas e Matemáticas de España aprobou na súa sesión plenaria desta semana a incorporación de dous novos académicos numerarios na sección de Físicas e Químicas: o valenciano Hermenegildo García Gómez e a galega María Antonia Señarís.
Química pola Universidade de Santiago de Compostela e doutora en Química pola Universidade Complutense de Madrid, María Antonia Señarís foi bolseira Fullbright na Universidade de Texas, en Austin, onde traballou co profesor John Goodenough, Premio Nobel de Química 2019.
Actualmente, dirixe o grupo de investigación en Química do Estado Sólido e Materiais da Universidade da Coruña, que desenvolve a súa investigación no campo da química e física do estado sólido e materiais. É coinventora de dúas patentes sobre materiais dieléctricos e seis patentes sobre materiais e dispositivos calóricos.
En 2021 recibiu a medalla Antonio Casares Rodríguez, da sección de Química e Xeoloxía da Real Academia de Ciencias de Galicia.
