Abanca modificará os créditos IFGC tras acordalo co Goberno central
Terán un custe de Euribor máis un punto.
Por Europa Press / Redacción | MADRID | 10/07/2023 | Actualizada ás 12:03
O Boletín Oficial do Estado (BOE) publicou este luns o acordo entre o Ministerio de Agricultura, Pesca e Alimentación e Abanca para modificar o convenio subscrito o pasado novembro e facilitar os préstamos garantidos polo Instrumento Financeiro de Xestión Centralizada (IFGC).
As partes expuxeron que a situación inflacionista derivada da guerra de Ucraína traduciuse nun incremento dos tipos de interese (o BCE elevounos ao 4% en xuño), que á súa vez fixo que o diferencial a aplicar ao Euribor estea a determinar un interese nestes préstamos que pode provocar dificultades aos prestatarios.
Por iso, e unha vez constatada a perda de eficacia do instrumento, resolveron que "o tipo de interese preferente ao que se formalizarán os préstamos será o resultado de sumar ao Euribor a un ano, correspondente ao segundo mes anterior ao de formalización do préstamo, un diferencial de 1 punto, redondeado o resultado a tres decimais".
Ao mesmo tempo, "o tipo de interese preferente de cada préstamo revisarase anualmente, aplicando o Euribor a un ano do segundo mes anterior ao do vencemento no que concorran intereses e capital, un diferencial de 1 punto, redondeando o resultado a tres decimais".
