Continúan os labores de busca do patrón de Porto do Son desaparecido en augas próximas a Panamá

A procura do patrón do barco espadero 'Cosmos' --de bandeira de Ecuador--, veciño de Porto do Son, continúa tras desaparecer de cuberta cando o barco se dirixía a porto a descargar.

Segundo explica a Europa Press o alcalde de Porto do Son, José Luís Oujo, "van seguir uns días máis" buscando o patrón. O propio pesqueiro mantense na zona buscando o desaparecido en lugar de ir a porto.

Así mesmo, nas últimas horas participaron no operativo unha patrulleira e medios aéreos de Ecuador.

O rexedor visitou o pasado domingo á familia do desaparecido, que mostra a súa preocupación por que se manteña a procura despois o patrón caese ao mar.

Espera que o bo tempo e as temperaturas cálidas axudan no operativo para que se continúe coa procura "ata o último momento".

Dispositivo de procura de Salvamento no mar