'Viñetas desde o Atlántico' destaca o papel da muller na banda deseñada
Por E.P. | SANTIAGO DE COMPOSTELA | 08/08/2023 | Actualizada ás 09:40
Este luns arrincou a 26 edición do Salón Internacional do Cómic da Coruña, 'Viñetas desde o Atlántico 2023', que reivindicará a presenza da muller no cómic.
Desde hoxe a cidade herculina convértese na capital da banda deseñada con máis dun centenar de propostas artísticas, que inclúen exposicións, firmas con autorías de referencia do sector, música, un ciclo de cinema de animación, talleres infantís e profesionais, visitas guiadas e mesas redondas, entre outras iniciativas.
A alcaldesa herculina, Inés Rey, tomou parte esta tarde no acto oficial de inauguración das 'Viñetas desde o Atlántico 2023', celebrado no exterior da Sala Municipal de Exposicións do Quiosco Alfonso.
Rey subliñou que "as Viñetas é un proxecto de cidade, de carácter colectivo, e unha marca asociada á identidade da Coruña". Na súa intervención, a rexedora puxo en valor a proposta e obxectivos marcados para esta edición do Salón Internacional do Cómic da Coruña. Da mesma, dixo que busca "dar voz e presenza ás mulleres do cómic, así como render homenaxe a figuras desaparecidas recentemente".
