Buscan a un mozo con discapacidade desaparecido desde este luns na localidade coruñesa de Ames

Efectivos de Garda Civil, Protección Civil e voluntarios buscan a un mozo de 30 anos desaparecido desde este luns no Milladoiro (Ames), despois de que saíse a dar un paseo e non regresase. 

O mozo, Manuel Lens, mide 1,83, ten 30 anos e padece unha discapacidade, polo que a súa desaparición está catalogada como de persoa vulnerable. Saíu da súa casa na tarde do luns para pasear, pero non regresou, polo que a súa familia puxo unha denuncia ante a Garda Civil.

Este martes despregouse pola contorna do seu domicilio un dispositivo de procura que se estende tamén cara á zona de Brión. No momento da súa desaparición, o mozo levaba unha camiseta verde da carreira pedestre do Pino e un pantalón curto.