Os oito mosquitos tigre atopados en Galicia non portaban enfermidades

Así o confirmou este xoves a directora xeral de Saúde Pública, Carmen Durán, que puntualizou que non son autóctonos, senón que é probable que procedan doutro lugar, pois a choiva seguida do sol favorece a súa proliferación.

Por Europa Press / Redacción | SANTIAGO DE COMPOSTELA | 10/08/2023 | Actualizada ás 15:06

Comparte esta noticia

Os oito exemplares de mosquito tigre que foron atopados esta semana en Galicia non eran portadores de enfermidades, segundo confirmou este xoves a directora xeral de Saúde Pública, Carmen Durán. Así o explicou a preguntas dos medios durante unha rolda de prensa en Santiago, despois de que este mércores se dese a coñecer que se identificou por primeira vez esta especie en Galicia, concretamente en Moaña.

Tal e como explicou Durán, estes mosquitos foron atopados por un cidadán que os identificou a través da aplicación 'Mosquito Alert', mediante a cal é posible enviar fotos de mosquitos para saber o seu espécime.

Unha vez identificados, a Xunta seguirá os protocolos existentes para estes casos de aparición do mosquito. "Estamos no escenario un, no que temos detectado que hai mosquitos tigre, pero non hai ningún paciente con enfermidade nin se detectou a enfermidade", explicou a directora. Ademais, Durán comunicou que unha comisión técnica se reunirá este venres para decidir que medidas se tomarán para a vixilancia e o control dos mosquitos tigre en Galicia.

En canto ás causas da aparición deste tipo de mosquito na zona, a directora xeral sinalou que os estudos apuntan a que a choiva seguida do sol favorece a proliferación destes animais, que adoitan proceder doutro lugar. "Non cremos que sexan autóctonos. É moi probable que sexan doutro lugar. Isto aconteceu exactamente igual en todo o mediterráneo español, aconteceu no País Vasco, en Asturias e en Baleares", explicou Durán.

Mosquito Aedes Aegypti que transmite o virus do zika
Mosquito Aedes Aegypti que transmite o virus do zika | Fonte: E.P.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta