Por E.P. | SANTIAGO DE COMPOSTELA | 29/08/2023 | Actualizada ás 18:34
A XXIV edición do congreso mundial 'Bioecon', de carácter anual e rotatorio, terá lugar por primeira vez na contorna estatal en Compostela, do 31 de agosto ao 1 de setembro.
A Universidade de Santiago de Compostela (USC) exercerá como anfitrona deste encontro que reúne á comunidade científica e académica experta en bioeconomía e que converterá á cidade en capital mundial do debate ao redor da xestión sustentable en múltiples áreas: recursos mariños, forestais e enerxías renovables, entre outras.
O evento, cun comité local que preside a catedrática da USC María Loureiro, reunirá a case un centenar de participantes, con persoal investigador procedente de países como Alemaña, China, España, Francia, India, Israel, Italia, Noruega, Reino Unido e Xapón, entre outros.
Baixo a lema 'Biodiversidade e Obxectivos de Desenvolvemento Sustentable', este congreso a favor da xestión sustentable dos recursos nautrales e ambientais ten como obxectivo común a procura dunha conexión entre economía e uso dos recursos. Conta co apoio de Ecobas, o centro galego de investigación en sustentabilidade.
PROGRAMA
A profesora Erin Sills, da Universidade de Carolina do Norte, abrirá o programa o 31 de agosto ás 9,30 horas. O día 1, o profesor Rashid Sumaila da Universidade British Columbia impartirá ás 9,30 horas unha conferencia maxistral.
A XXIV edición da 'Bioecon' terá lugar na Hospedaría San Martin Pinario e o programa completo está dispoñible na páxina web do congreso.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.