Pazos Couñago "defenderá ata o último minuto" as posibilidades de que Feijóo sexa presidente do Goberno

O novo portavoz do PPdeG no Parlamento galego, Alberto Pazos Couñago, lamentou que o feito de que exista a certeza de que antes dun ano celebraranse eleccións autonómicas xa que "non facilita excesivamente" o diálogo en sede parlamentaria.

Así, nunha entrevista en Radio Nacional, este domingo,  e explicou que eses pactos "teñen que construírse arredor das propostas do partido que foi elixido maioritariamente os galegos".

"O que non impide que se recollan achegas dos outros grupos parlamentarios para, entre todos, tentar construír leis e instrumentos útiles para mellorar a vida cotiá dos cidadáns", incidiu.

No ámbito nacional, Pazos remarcou que "defenderá ata o último minuto" as posibilidades de que Feijóo sexa Presidente de España xa que "maioritariamente" os españois decidiron que "era a mellor opción".

A continuación, asegurou que o liderado de Feijóo no PP "está fóra de toda dúbida" e lembrou apenas un ano e medio despois de que fose presidente do PP conseguiu que o seu partido teña o poder territorial que "non tiña desde hai moitísimos anos" e "conseguir converterse na primeira forza política do país".

Na entrevista tamén falou sobre o uso das linguas cooficiais e criticou que ultimamente e utilizan para "deixar de falar" de cousas que afectan de "maneira moi esencial aos intereses dos cidadáns".

"Como galego o que creo é que debemos tentar defender a nosa riqueza cultural e non utilizala para tentar tapar outras cuestións que me parece que neste momento preocupan bastante máis aos galegos", remarcou Pazos.

En canto ás eleccións autonómicas, sinalou que cre que Rueda vai seguir " sendo durante moitos anos" presidente da Xunta xa que, para Pazos, "asumiu o cargo cunha naturalidade que os galegos valoran de forma moi positiva".

Pazos Couñago en rolda de prensa | Fonte: PPdeG.