Rueda expresa a súa "inmensa alegría" por 'O Corno', primeira película en galego que gaña a Cuncha de Ouro

O presidente da Xunta, Alfonso Rueda, manifestou a súa "inmensa alegría e orgullo" por 'O Corno', a primeira película en galego que gaña a Cuncha de Ouro no Festival de Cinema de San Sebastián.

Nunha publicación nas súas redes sociais, Rueda deu o parabén á directora, Jaione Camborda, que ademais se converteu na primeira directora española en alcanzar este galardón, e a todo o seu equipo.

"Este é outro dos moitos fitos do audiovisual de Galicia. A nosa cultura non ten límites. Canto talento!", expresou o titular do Goberno galego.

Jaione Camborda durante a clausura do 71 Festival Internacional de Cinema de San Sebastián no Kursaal, en San Sebastián (Guipúzcoa, País Vasco, España). Raúl Terrel - Europa Press | Fonte: Europa Press