A mazá e a sidra da Estrada, exemplo de "diversificación" do rural galego para a Xunta

A Xunta puxo como exemplo de "diversificación produtiva" do rural galego unha explotación de mazá para sidra situada no municipio pontevedrés da Estrada.

Ata alí desprazouse este martes o conselleiro do Medio Rural, José González, onde destacou que nesta explotación dispoñen dunha pioneira máquina recolectora que permite axilizar un traballo que realizaba a man. Este tipo de melloras, sinalou a Consellería nunha nota de prensa, "son un exemplo de que a Xunta segue impulsando o rural coa aposta pola mecanización e a aplicación ao campo do I+D+i".

Así mesmo, González puxo en valor A Estrada como un dos concellos de referencia na produción de mazás para sidra, xa que se recollen anualmente ao redor dun millón e medio de quilos desta froita en ata 100 hectáreas de superficie. No caso desta explotación, a súa superficie total supera as nove hectáreas, das cales ao redor de sete dedícanse ao cultivo de mazá.

Por outra banda, o conselleiro sinalou que a propietaria da explotación, Mónica Brey, é "unha dos case 4.500 mozos que se incorporaron ao campo desde 2009 con axudas da Xunta".

O conselleiro do Medio Rural, José González, visita unha explotación de mazá para sidra na Estrada | Fonte: XUNTA - Europa Press