A carga dun móbil causa un incendio nunha casa en Verín

Os bombeiros de Verín extinguiron un incendio nunha vivenda provocado por un móbil que se atopaba cargando. Do incidente ninguén resultou ferido.

Segundo informou o 112, o suceso tivo lugar ao fío das 19,30 horas do venres e foi a inquilina da vivenda, localizada na praza García Barbón, a que chamou á central de emerxencias para solicitar medios de extinción.

Así, a muller indicou que ardía a cama da súa habitación. Por iso, o 112 solicitou a intervención dos membros do Servizo de Prevención Extinción de Incendio e Salvamento de Verín.

Ademais, deron aviso aos profesionais de Urxencias Sanitarias de Galicia-061, por se fose necesaria a súa actuación e tamén aos axentes da Garda Civil.

Ao finalizar a intervención, os bombeiros indicaron que a habitación, na que se iniciou o lume, foi a máis prexudicada polo incendio. Como consecuencia, a cociña e o salón da vivenda terminaron afectados o fume e o piso quedou inhabitable.

Camión de bombeiros