A Xunta apunta a "erradicar as raíces estruturais e sociais" da trata de blancas
Avoga por enfrontar a trata con políticas que castiguen aos responsables e protexan ás vítimas.
Por E.P. | SANTIAGO DE COMPOSTELA | 18/10/2023 | Actualizada ás 11:08
A Xunta avogou por enfrontar a trata de seres humanos a través de políticas que castiguen aos responsables e protexan ás vítimas para, deste xeito, conseguir "erradicar as raíces estruturais e sociais" que sustentan estas redes.
Con motivo do Día europeo contra a trata de seres humanos, o Executivo autonómico emitiu unha declaración este mércores na que manifesta o seu total rexeitamento ante calquera situación de explotación sexual que, como resalta, padecen de maneira maioritaria mulleres e menores.
"A trata de seres humanos constitúe unha das máis atroces violacións dos dereitos humanos porque menoscaba a dignidade e a liberdade das persoas", sinala a Xunta nun texto no que subliña como "responsabilidade ineludible" de todos os gobernos enfrontar "decididamente" este problema con "políticas integrais" que persiga aos responsables e protexa ás vítimas.
Neste sentido, incide en que a trata "perpetúa" ciclos de violencia e "nútrese" de desigualdades e a vulnerabilidade das persoas, polo que apela a situar este problema "en primeiro liña" da axenda política.
