Aprobado o ditame do proxecto de lei de artesanía de Galicia, que incorpora a figura de mestre artesán

A comisión de industria do Parlamento aprobou o ditame do proxecto de lei de artesanía de Galicia, co que este novo texto lexislativo queda pendente da súa aprobación definitiva en pleno. A deputada popular Cristina Sanz explicou que esta norma "crea un marco xurídico que se adecua á nova realidade do sector artesanal e promove a súa importancia social, cultural, identitaria e económica, incrementando a súa profesionalización e competitividade".

Sanz sinalou que nace "da necesidade de adaptar a normativa vixente á artesanía do século XXI, unha mestura de tradición e innovación, de arraigamento e modernización, de sustentabilidade e progreso". Entre as novidades que destaca o PP do proxecto de lei figuran a creación de zonas de especial interese artesanal e a incorporación da figura de mestre artesán que distinguirá a excelencia e traxectoria no ámbito profesional ou divulgativo.

Artesanía de Galicia | Fonte: Arquivo