Baixan as licenzas para construción de edificios pero soben as de rehabilitación
Por E.P. | SANTIAGO DE COMPOSTELA | 30/11/2023 | Actualizada ás 10:49
As licenzas concedidas para a construción de edificios foron 141 en Galicia en agosto, un 16,5% menos que no mesmo mes de 2022, segundo os datos publicados polo Instituto Galego de Estatística (IGE) este xoves.
Con todo, compútase un incremento das licenzas para a construción de vivendas, cun total de 130, oito máis que un ano antes (+6,5).
Pola súa banda, o número de edificios a rehabilitar pasa de 116 en agosto de 2022 a 128 no oitavo mes de 2023, o que se traduce nun 10% de aumento. Tamén aumentan as vivendas a reformar, pasan de 27 a 36.
Mentres, as licenzas para demolicións en agosto só foron nove, unha cifra de seis unidades menos na comparativa interanual, cando eran 15.
