Case 800 nenos galegos poderán pedir os seus agasallos a Papá Noel a través de videoconferencia
Durante estes días, conectarán con Laponia as aulas CeMIT de Abegondo, Bande, Bearíz, A Cañiza, Boiro, Carballedo, Castrelo do Miño, Catoira, Celanova, Fisterra, A Fonsagrada, Guitiríz, Leiro, Marín, Muros, Ortigueira, Santa Comba, Valga, O Vicedo, Vilagarcía e Vimianzo.
Por Europa Press / Redacción | SANTIAGO DE COMPOSTELA | 12/12/2023 | Actualizada ás 17:26
Case 800 alumnos de educación infantil de máis de 20 municipios de Galicia poderán realizar as súas peticións de Nadal a Papá Noel gacias á rede de videoconferencia das aulas CeMIT ata o 21 de decembro. Durante estes días, conectarán con Laponia as aulas CeMIT de Abegondo, Bande, Bearíz, A Cañiza, Boiro, Carballedo, Castrelo do Miño, Catoira, Celanova, Fisterra, A Fonsagrada, Guitiríz, Leiro, Marín, Muros, Ortigueira, Santa Comba, Valga, O Vicedo, Vilagarcía e Vimianzo, ata completar así as 21 localidades que recibirán a visita virtual de Papá Noel e un total 769 nenos en 32 sesións.
O obxectivo desta actividade, segundo explican nun comunicado, é facilitar a comunicación entre Papá Noel e os nenos destas localidaes, que poderán falar e interactuar con el poucos días antes de Noiteboa. Ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus pedidos a Papá Noel as persoas adultas en situación de dependencia psíquica do Centro de día de Guitiriz ou do Centro Aspromor de Ortigueira.
