Miguel Santalices será o delegado rexio na Ofrenda de Translación do Apóstolo
Xa desempeñou este papel nos anos 2017, 2018 e 2019.
Por E.P. | SANTIAGO DE COMPOSTELA | 16/12/2023 | Actualizada ás 13:55
O presidente do Parlamento de Galicia, Miguel Santalices, exercerá como delegado rexio na Ofrenda de Translación do Apóstolo, que se celebrará, como é tradicional, o próximo 30 de decembro.
O xefe da casa da súa Maxestade o Rei, Jaime Alfonsín, comunicou ao presidente da Cámara galega a designación efectuada por Felipe VI para actuar no seu nome nesta ofrenda, instaurada en 1646, durante o reinado de Felipe IV, para conmemorar o traslado dos restos do Apóstolo. A cerimonia celebrarase o próximo 30 de decembro na Catedral de Santiago de Compostela.
Esta non será a primeira vez que Santalices actúe como oferente na Translación. De feito, xa desempeñou este papel nos anos 2017, 2018 e 2019. Ademais, foi delegado rexio na Ofrenda Nacional do Apóstolo, do 25 de Xullo, os anos 2016 e 2018.
O presidente do Parlamento de Galicia agradeceu ao Rei esta designación, "unha honra para a Cámara lexislativa e un privilexio para calquera que comparte o espírito xacobeo, a afección pola historia e o aprecio polas tradicións propias de Galicia".
