A Xunta convoca axudas para impulsar proxectos de gases renovables
Primeira vez que Galicia conta cunha convocatoria para esta tipoloxía de iniciativas enerxéticas.
Por Europa Press / Redacción | SANTIAGO DE COMPOSTELA | 25/12/2023 | Actualizada ás 19:54
A Xunta de Galicia, a través da Consellería de Economía, Industria e Innovación, activou unha convocatoria de axudas destinadas a impulsar proxectos integrais de gases renovables.
Trátase, informa a Consellería de Economía, da primeira vez que Galicia conta cunha convocatoria específica para esta tipoloxía de iniciativas enerxéticas. A convocatoria, de concorrencia competitiva, abriu o prazo de solicitudes ata o 21 de febreiro e conta cun orzamento de 7,5 millóns co obxectivo de mobilizar ao redor de 15 millóns.
As axudas están dirixidas a empresas e autónomos que queiran realizar proxectos consistentes na produción de hidróxeno de orixe renovable ou de biogás e biometano para o seu aproveitamento en centros de demanda situados en Galicia, co que se pretendefavorecer o uso racional de enerxías renovables.
