Solidariedade Intergeneracional, Asotrame e a voluntaria Isabel Rubinos, premios de Acción Voluntaria

A voluntaria Isabel Rubinos Fernández, a Asociación Galega de Afectados por Transplantes Medulares (Asotrame) e Solidariedade Intergeneracional foron os galardoados cos 'Premios Galicia de Acción Voluntaria'.

O Diario Oficial de Galicia (DOG) publica os merecedores destes galardóns, que pon en valor o labor solidario de personasy organizacións durante este ano 2023. Así, o premio á persoa voluntaria do ano na modalidade individual para as persoas físicas recaeu en Isabel Rubinos Fernández, dada a súa traxectoria e participación en diferentesáreas de actuación acreditadas no ámbito do voluntariado.

Ademais, a Asociación Galega de Afectados por Transplantes Medulares (Asotrame) fíxose co premio á entidade de acción voluntaria do ano. O premio ao mellor proxecto de acción voluntaria deste exercicio foi a parar a Solidariedade Intergeneracional polo seu proxecto 'CuentaconMigo', cuxo enfoque está centrado na atención a persoas maiores no medio rural.

Asociacións e voluntarios percorren a última etapa do Camiño Francés para concienciar sobre a doazón de medula. ASOTRAME