Un conductor borracho conduce 14km en sentido contrario cun cuatriciclo pola AG-64
O home conducía polo sentido cotrario da autovía que une Ferrol e Vilalba.
Por Europa Press / Redacción | SANTIAGO DE COMPOSTELA | 07/01/2024 | Actualizada ás 11:10
A Garda Civil investiga a un veciño de Cedeira condutor dun coche sen carné por circular durante 13 quilómetros en sentido contrario pola autovía AG-64, que une Ferrol e Vilalba, e dar positivo en alcol.
En concreto, segundo trasladou o subsector de Tráfico da Coruña, os feitos sucederon este sábado pola tarde no punto quilométrico 30 desta vía. O vehículo, identificado como un cuatriciclo lixeiro, transitaba polo carril esquerdo en dirección a Ferrol. Así, as patrullas de Tráfico desprazáronse cara á zona e o Centro de Xestión activou paneis de alerta sobre a presenza deste coche.
En chamadas sucesivas de particulares indicábase que o cuatriciclo lixeiro atopábase nos quilómetros 26, 23 e 20. Por iso, as patrullas trataron de previr riscos e cortaron a circulación en sentido a Vilalba.
Finalmente, foi interceptado por unha patrulla no quilómetro 18. Ao condutor e único ocupante do vehículo realizáronselle probas de alcoholemia que arroxaron un resultado positivo de 0,69mg/l de alcol en aire expirado, "presentando evidentes síntomas de atoparse baixo os efectos de bebidas alcohólicas".
Así, a Garda Civil procedeu á investigación desta persoa como presunto autor de dous delitos contra a seguridade viaria: un por conducir baixo os efectos de bebidas alcohólicas e outro por condución temeraria, así como á intervención e deposito do vehículo e do permiso de condución do condutor con carácter preventivo.
As dilixencias por estes feitos foron remitidas ao Xulgado de Instrución de garda de Ferrol, podendo carrexarlle estes delitos penas que van desde 1 a 6 anos de privación de permiso de condución ata dous anos de prisión.
