Novas axudas para que os establecementos turísticos melloren instalacións

A Xunta convoca a liña anual de axudas para que establecementos turísticos melloren as súas infraestruturas, cun orzamento global de 3,5 millóns de euros. O Diario Oficial de Galicia (DOG) publica este mércores esta nova edición de subvencións en réxime de concorrencia competitiva, cun prazo de presentación de solicitudes ata o 19 de febreiro.

Entre outras actuacións, os apoios sufragan: a supresión de barreiras arquitectónicas para mellorar a accesibilidade, mellora de instalacións para obter certificacións de calidade --en especial a Q de Calidade Turística--, modificacións para aumento de categoría, mobles necesarios para o funcionamento e climatización con medidas de aforro enerxético.

Ademais, inclúense as actuacións de dixitalización de sistemas de xestión e comercialización do establecemento, así como a adaptación dos sistemas de seguridade e saúde na prestación de servizos.

Fachada do hotel NH Finisterre da Coruña / Europa Press / Europa Press