A distribuidora de Naturgy, UFD, finaliza a reforma da subestación eléctrica de San Cibrao das Viñas
Por Europa Press / Redacción | OURENSE | 22/01/2024 | Actualizada ás 17:14
UFD, distribuidora eléctrica de Naturgy, finalizou os traballos de reforma da subestación eléctrica de San Cibrao das Viñas. Foi, informa, para mellorar a calidade da subministración eléctrica aos polígonos industriais de San Cibrao e Pereiro de Aguiar, así como aos concellos da zona.
A actuación, que contou cun investimento de 2,3 millóns de euros, supuxo a renovación completa e a blindaxe do parque de 20 quilowatts da subestación, coa instalación dun conxunto de celas blindadas de dobre barra no interior do edificio existente. Dotouse, ademais, á instalación de novas tecnoloxías no telecontrol e sensorización, o que implica unha ampliación da súa capacidade e a mellora da calidade da subministración, ao optimizar a fiabilidade e minimizar os tempos de resposta ante calquera incidencia.
O delegado de UFD en Galicia, Alberto Suárez, e o delegado de UFD en Ourense, Pablo Carrera, acompañados da alcaldesa de San Cibrao das Viñas, Marta Novoa, e o alcalde de Pereiro de Aguiar, Luís Menor, visitaron a subestación xa reformada e comprometéronse a seguir colaborando na mellora e garantía da subministración.
