18F.- Abascal pide apoiar a Vox para "pór o cascabel" ao PP

O presidente de Vox, Santiago Abascal, pediu apoiar a esta formación para "pór o cascabel" aos populares e facer que "cambien moitas cousas" en Galicia. "Cando Vox non está o PP aplica políticas de esquerdas e do nacionalismo", sentenciou. Foi tanto en declaracións aos xornalistas como durante a súa intervención nun mitin celebrado nun hotel coruñés xunto ao candidato desta formación á Presidencia da Xunta, Álvaro Díaz-Mella, quen instou aos galegos e galegas a apostar por "un cambio".

"A nosa prioridade será Galicia", expuxo nun discurso no que se comprometeu a pór en marcha medidas como incentivos fiscais para aumentar a natalidade. Á súa vez, na súa intervención, o presidente de Vox preguntouse "quen defende aos galegos que cren que o Estado das Autonomías foi un fracaso". "Xa non logran a chantaxe co voto do medo", aseverou tamén nun discurso con referencias aos que "pensan" como Vox.

"Claro que Vox ten cabida en Galicia", manifestou facendo referencia aos resultados obtidos noutras autonomías e á súa forma de gobernar nelas e para incidir en que, con presenza no Parlamento galego, "as cousas cambiarán nesta rexión". "Que fai o señor Feijóo en Madrid", ironizou tamén con referencias á "maioría herdada" de Alfonso Rueda tras asumir o goberno galego pola marcha do presidente do PP e extitular do Executivo galego. Todo iso nun discurso en liña co exposto previamente en declaracións aos xornalistas nas que incidiu en que Vox debe entrar no Parlamento galego "para determinar políticas".

O presidente de Vox, Santiago Abascal, xunto ao candidato da formación á Presidencia da Xunta, Álvaro Díaz-Mella nun mitin | Fonte: M. Dylan