Adiántase a aparición das primeiras esporas de mildiu en Pontevedra
O personal de Areeiro asegura que se debe ás altas temperaturas rexistradas, superiores ás habituais nesta época.
Por Europa Press / Redacción | SANTIAGO DE COMPOSTELA | 29/02/2024 | Actualizada ás 17:25
A Deputación de Pontevedra publicou o primeiro aviso fitosanitario de 2024 no que advirte da aparición das primeiras esporas de mildiu. Segundo informou, a Estación Fitopatolóxica Areeiro recomendou iniciar o tratamento antimildiu en canto as vides estean ben brotadas.
Aínda que algúns algoritmos externos xa apuntaban á maduración da oospora de mildiu a finais de xaneiro e un que manexa o proxecto 'Plasmowine' a primeiros de febreiro, a nivel práctico a estación non puido confirmalo ata esta semana.
Neste ámbito, o persoal técnico de Areeiro asegurou que as altas temperaturas, superiores ás rexistradas habitualmente nesta época, unidas a unha tempada moi chuviosa, son condicións favorables para enfermidades e pragas como o mildiu.
