O Festival EmigraSON triunfa na súa segunda edición levando a riqueza cultural galega a Bélxica

O Festival EmigraSON, a celebración moderna e vibrante da cultura galega en terras belgas, está de volta coa súa tan agardada segunda edición. Este festival único, que se convertiu nun punto de encontro para a comunidade galega e amantes da cultura en Bélxica, ofreceu, unha vez máis, unha experiencia inesquecible chea de música, poesía, tradición e reflexión. Dende os seus comezos, o Festival EmigraSON destacou polo seu compromiso coa xuventude e os talentos emerxentes. Esta segunda edición non foi unha excepción, xa que presentou un programa diverso e emocionante deseñado para atraer a persoas de todas as idades e intereses. 

Foi unha sinfonía de eventos que abarcaron dende a poesía ata a investigación, pasando pola música e a tradición. Un dos puntos destacados foi 'Aldaolado: Poesía Escénica', unha actuación realizada no Instituto Cervantes de Bruselas polas talentosas poetisas Lucía Aldao e María Lado, que deleitaron coa súa espontaneidade e complicidade tratando temas de interese colectivo como a lingua, o amor romántico ou a igualdade de xénero.

Para os amantes da máis rica tradición musical galega, a 'Foliada EmigraSON' a cargo do grupo tradicional Alumea, composto por descendentes de galegos que emigraron a Bélxica nos anos 50, no Centro García Lorca de Bruselas foi unha experiencia auténtica chea de música e bailes tradicionais. O 'Foro da Investigación Galega no Estranxeiro', unha xornada adicada á investigación galega no exterior cuxo obxectivo é abordar os desafíos e oportunidades que afronta o sector da investigación en Galicia e España convertiuse nunha plataforma dinámica para o intercambio de ideas e a colaboración.

EMIGRASON: O NOVO ÉXITO MUSICAL NO CORAZÓN DE EUROPA

Unha vez máis, a música galega resoou con forza no corazón de Europa coa segunda edición do festival EmigraSON. Este evento, que tivo lugar na sala de concertos La Tricoterie, en Bruselas, chamou a atención a aproximadamente 500 persoas que quixeron desfrutar da riqueza sonora e cultural da Galicia. Dende os seus comezos, EmigraSON erixiuse como un referente musical no panorama europeo.

A súa capacidade para reunir artistas destacados e ofrecer unha experiencia única aos asistentes consolidou a súa posición como un dos festivais máis importantes da rexión. Este ano, a empresa galega Deleite, sumouse como colaborador para enriquecer aínda máis a proposta cultural do evento, ao igual que a Xunta de Galicia e Rei Zentolo. A segunda edición do Festival EmigraSON contou, unha vez máis, coa contribución dos eurodiputados Nicolás Casares do PSOE e Ana Miranda do BNG. O seu apoio permitiu que o festival se levara a cabo en Bruselas. 

THE RAPANTS REGRESA AO FESTIVAL CUNHA EXPLOSIÓN DE ENERXÍA E BO ROLLO

O Festival EmigraSON recibiu por segunda vez ao vibrante grupo de Muros, The Rapants, quenes fixeron o seu agardado regreso co seu último álbum 'La Máquina del Buen Rollo', programado para ver a luz o próximo 14 de marzo. Cunha promesa de ser "máis tranquilo pero máis cañero que os anteriores", o grupo non decepcionou, entregando unha actuación chega de enerxía e positividade que deixou ao público pedindo máis. Este novo disco, que se agarda con ansias, consta de nove temas en total dos cales sete serán inéditos.