Concellos e Deputacións gardan un minuto de silencio este 11 de marzo en memoria das vítimas do terrorismo

Concellos e deputacións gardaron este luns un minuto de silencio con motivo do Día Europeo en Memoria das Vítimas do Terrorismo. Este 11 de marzo, ademais, cúmprense 20 anos dos atentados de Atocha, que acabaron coa vida de 193 persoas na estación de tren de Madrid.

No seu recordo, numerosas corporacións municipais concentráronse esta mañá fronte ás casas consistoriais, como a de Ourense, a de Pontevedra, a da Coruña a de Santiago e a de Vigo, entre outras. Tamén, nas deputacións provinciais gardouse o minuto de silencio fronte aos pazos provinciais, como fixeron as de Ourense e Lugo.

A corporación do Concello da Coruña ao finalizar o minuto de silencio en memoria das vítimas do terrorismo. CONCELLO DA CORUÑA | Fonte: Europa Press