Protestas na Coruña e Vigo para que os profesionais da seguridade privada poidan acollerse á xubilación anticipada
UGT afirma que "a seguridade privada, que por Lei actúa como complementaria á seguridade pública, conta con profesionais cuxa media de idade é de cincuenta e catro anos".
Por Europa Press / Redacción | SANTIAGO DE COMPOSTELA | 01/04/2024 | Actualizada ás 18:22
UGT convocou este martes, día 2, concentracións na Coruña e Vigo para reclamar que os profesionais de seguridade privada poidan acollerse á xubilación anticipada. Será, segundo informa, ás 12.00 horas ante a Tesouraría da Seguridade Social en Vigo e na Coruña ante a Dirección Provincial da Seguridade Social. O sindicato afirma que "a seguridade privada, que por Lei actúa como complementaria á seguridade pública, conta con profesionais cuxa media de idade é de cincuenta e catro anos".
Por iso, afirma que trasladou ao Goberno "a necesidade de abordar a tramitación de expedientes reductores, así como recuperar o contrato de substitución no sector da seguridade privada". Tamén engade que a petición xa a trasladou en 2017 "non tendo ata a data unha resposta positiva por parte da Administración".
