Galicia concentra case unha de cada cinco mortes en España por afogamento no primeiro trimestre do 2024
Galicia é a comunidade autónoma con maior número de mortes por afogamento en espazos acuáticos no que vai de ano, con 15, catro das cales se produciron no pasado mes de marzo, segundo os datos achegados este xoves pola Real Federación Española de Salvamento e Socorrismo.
Por Europa Press / Redacción | SANTIAGO DE COMPOSTELA | 04/04/2024 | Actualizada ás 13:17
Galicia é a comunidade autónoma con maior número de mortes por afogamento en espazos acuáticos no que vai de ano, con 15, catro das cales se produciron no pasado mes de marzo, segundo os datos achegados este xoves pola Real Federación Española de Salvamento e Socorrismo. Así, a comunidade galega concentra 15 das 79 mortes no primeiro trimestre de 2024, o peor ano o segundo peor xunto ao de 2017, cando se produciron 81.
Deste xeito, marzo de 2024 foi o segundo peor terceiro mes da serie histórica con 27 óbitos, seis menos que o mes anterior e 14 máis que en marzo do ano pasado. Estes datos supoñen que no primeiro trimestre de 2024 faleceron en España por afogamento non intencional 28 persoas máis que no mesmo período de 2023 e 46 máis que 2022.
