Liberan con cargos a un home acusado de abusos sexuais pola súa filla de 12 anos en Ferrol
A menor está agora pendente de comparecer ante a autoridade xudicia
Por E.P. | Ferrol | 09/04/2024 | Actualizada ás 18:46
Un home de 35 anos quedou sobre as 12,00 horas deste martes en liberdade con cargos tras ser detido horas antes por axentes da Policía Nacional de Ferrol-Narón, tras acusalo a súa filla, de 12 anos, dun suposto delito de abuso sexual.
O home foi trasladado desde a comisaría ante a xuíza do Xulgado de Instrución número 1 de Ferrol, que está de garda desde esta mesma xornada.
Segundo a información á que tivo acceso Europa Press, os supostos abusos producíronse durante o réxime de visita que ten recoñecido o seu proxenitor.
O xuíz decidiu pór ao home en liberdade unha vez escoitada a súa declaración, pero decidiu polo momento suspender a posibilidade de estar coa nena, ademais de impedirlle que se comunique e se aproxime a ela.
Ademais, a menor está agora pendente de comparecer ante a autoridade xudicial.
O home argumentou que está a sufrir esta situación por mor da mala relación que ten coa súa exparella e defende que se trata dunha "vinganza".
