A Xunta encarga a Planeta a edición do libro "Alta gastronomía galega"
Javier Olleros (o chef do Culler de Pau do Grove) e Alberto González (de Silbario en Tui) son dous dos cociñeiros que colaboran nesta obra que busca poñer en relación a gastronomía do país co cociña máis exquisita.
Por GC Tendencias | Santiago de Compostela | 18/10/2015 | Actualizada ás 11:00
A Axencia de Turismo de Galicia adxudicou mediante contrato privado a Editorial Planeta a personalización da obra "Alta Gastronomía Galega". A editorial catalana -que tamén participa nas empresas xornalísticas Onda Cero e La Razón- cobrará da Xunta 41.600 euros pola edición deste libro.
Segundo confirmaron fontes oficiais de Turismo a GC, o volume estará dispoñíbel tanto en español como en galego. Participarán, entre outros moitos cociñeiros do país, Javier Olleros, Cose Cannas, Alberto González, Yayo Daporta, Bea Sotelo e Lucía Freitas; todos eles coñecidos no sector da alta restauración e posuírdores do "sol" que outorga a popular Guía Repsol.
O volume, adxudicado definitivamente este 30 de setembro tras aceptar a Xunta a primeira oferta de Planeta, debe estar dispoñible antes do 31 de decembro deste ano. Planeta é a titular dos dereitos de explotación e de propiedade intelectual da citada obra.
