Morre un operario de 47 anos ao caerlle enriba un muro dunha casa en Ponteceso
Por Europa Press / Redacción | SANTIAGO DE COMPOSTELA | 03/05/2024 | Actualizada ás 13:36
Un operario de 47 anos, JJLR, faleceu na mañá deste venres ao caerlle encima un muro de pedra dunha casa no municipio coruñés de Ponteceso. Segundo explican fontes de Urxencias Sanitarias-061 a Europa Press, ata o lugar desprazouse unha ambulancia de soporte vital básico e un equipo médico de atención primaria.
Foi un veciño o que alertou ao 112 Galicia ás 12,30 horas e indicou que o home permanecía atrapado baixo as pedras. Durante a chamada, explicaba que se trataba dun muro de obra situado nunha casa do lugar de Anllóns de Arriba.
Así, informouse os profesionais de Urxencias Sanitarias de Galicia, aos Bombeiros de Bergantiños, ao GES e á Policía Local de Ponteceso, así como aos axentes da Garda Civil. Os servizos de emerxencias chegaron rapidamente ao momento, explica o 112, aínda que só puideron confirmar o falecemento do operario, cuxo corpo procederon a liberar a continuación os efectivos do GES.
