A produción industrial galega cae un 4,5 en marzo e volve a terreo negativo no acumulado do ano
A nivel estatal esborrállase un 11,3% en marzo, a súa maior caída desde maio de 2020.
Por Europa Press / Redacción | Compostela | 08/05/2024 | Actualizada ás 12:19
O Índice Xeral de Produción Industrial (IPI) caeu un 4,5% interanual en Galicia en marzo, por baixo da media en España que se esborrallou un 11,3%, segundo datos publicados este mércores polo Instituto Nacional de Estatística (INE). Deste xeito, a produción industrial galega volve a terreo negativo no terceiro mes do ano tras repuntar en febreiro. Isto arroxa unha media acumulada nos dous primeiros meses de baixada do 0,7%, oito décimas por encima da media estatal, con 1,5%.
Galicia foi unha do cinco comunidades con mellor comportamento en comparación co conxunto do Estado, aínda que todas as autonomías pecharon en valores negativos o mes de marzo. De feito, só Castela e León (-1,1%) tivo mellores números que a Comunidade galega. Por destino económico na comunidade galega, sobresae o esborralle do 26,9% nos bens de equipo, mentres que os bens intermedios tamén presentan unha caída de dous díxitos (-12,1%). Os bens de consumo duradeiro baixaron un 6,4%, mentras que os bens de consumo fixérono un 0,8% e os de consumo non durarero, un -0,3%.
A nivel estatal, o Índice Xeral de Produción Industrial (IPI) caeu un 11,3% en marzo en comparación co mesmo mes de 2023, taxa uns 15,6 puntos inferior á do mes anterior e a súa maior caída desde maio de 2020, en plena pandemia, cando se esborrallou un 28%, segundo informou este mércores o Instituto Nacional de Estatística (INE). Coa caída de marzo, a produción industrial rompe con dous meses consecutivos de alzas interanuais. En marzo, a caída da produción industrial viuse afectada por todos os sectores. Os maiores descensos déronse nos bens de consumo duradeiro (-18,7%) e os bens de equipo (-15,6%), seguidos dos bens intermedios (-15,6%), os bens de consumo non duradeiro (-8,3%) e a enerxía (-7%).
