A Xunta reclama á Sareb a cesión de vivenda en concellos onde hai demanda
Por Europa Press / Redacción | SANTIAGO DE COMPOSTELA | 09/05/2024 | Actualizada ás 19:13
A conselleira de Vivenda e Planificación de Infraestruturas, María Martínez, reclamou á Sociedade de Xestión de Activos Procedentes da Reestruturación Bancaria (Sareb) a cesión de vivenda a Galicia. "Naqueles concellos onde existe demanda", aseverou, en declaracións aos xornalistas, e en alusión, sobre todo, a áreas de influencia como Vigo ou Santiago.
Foi, a preguntas dos xornalistas nun acto en Pontevedra e tras a reunión que mantivo en Madrid coa ministra de Vivenda e Axenda Urbana, Isabel Rodríguez, da que destacou o ton "cordial" e na que lle trasladou as demandas do Goberno galego como a inclusión no programa 'Viena' en materia de vivenda.
A conselleira defendeu que Galicia cumpre os requisitos para estar no mesmo, á vez que demandou máis financiamento para esta autonomía de face ás axudas para actuacións como a rehabilitación en materia de eficiencia enerxética.
