Morre un motorista despois dun accidente de tráfico en Vilanova

Un motorista resultou falecido na tarde deste xoves tras sufrir un accidente de tráfico na localidade pontevedresa de Vilanova.

Segundo a información do CIAE 112-Galicia, o suceso ocorreu pouco despois das 14,00 horas, cando a motocicleta que conducía a vítima sufriu un accidente no lugar de Tremoedo.

Ata o lugar desprazáronse efectivos da Garda Civil de Tráfico, Policía Local e Protección Civil, así como persoal sanitario do 061. A pesar de que o home se atopaba consciente cando foi evacuado, terminou falecendo no hospital.

Axente da Garda Civil de Tráfico nunha imaxe de arquivo | Fonte: GARDA CIVIL - Arquivo