Por Galicia Confidencial | SANTIAGO | 01/06/2024 | Actualizada ás 14:00
A vida pode ser máis divertida se lle metemos algo de picante. Iso é o que fai o parkour: en lugar de camiñar pola ruta socialmente establecida para chegar a un lugar, facelo sorteando todo tipo de obstáculos, dende muros ata vallas, saltando por enriba ou balanceándose para impulsarse ata o seguinte lugar. Aínda que soa como algo lonxano, o certo é que se trata dunha disciplina que está recoñecida a nivel deportivo e que ten auténticos atletas de élite nas súas filas. Dende o Galicia Confidencial, con motivo do Día Mundial do Parkour que se celebra este sábado, queremos descubrirche esta disciplina e algúns dos seus máximos expoñentes a nivel galego.
En sentido teórico, o parkour como tal é un tipo de entrenamento e unha disciplina física que consiste en ir dun punto A cara un punto B do xeito máis eficiente e sinxelo posible. Pero iso só foi nos seus comezos, agora mesmo é moito máis complexo que iso, pois inclúe creatividade, orixinalidade e constancia. Require saltar, trepar, correr, rodas, balancearse e calquera movemento que requira a situación. Aos que o practican coñéceselles como traceurs e teñen que combinar forza, velocidade, axilidade, coordinación, control e creatividade.
Nos últimos anos apareceu o parkour competitivo, de xeito que se rematou por dividir a disciplina en dúas categorías: o parkour speed, cuxo obxectivo é a velocidade; e o parkour freestyle, onde se valora a orixinalidade, habilidade e creatividade. Con todo, a maioría dos tracers non buscan chegar máis rápido aos lugares, senón simplemente pasalo ben, superarse e aprender movementos novos. O lema do parkour é 'être et durer', que deriva do lema do Método Natural, 'être forte pour être utile', que significa 'ser forte para ser útil'.
Historicamente, considérase que o parkour naceu da man de David Belle, un actor, coreógrafo e doble de risco francés. Aínda que, en verdade, David inspirouse no seu pai, Raymond Belle, un militar francés de orixe vietnamita. O pai de David adoitaba entrenar utilizando obstáculos, un tipo de entrenamento que chamaba 'parcours', inspirado nos 'parcours du combattant', a clásica carreira de obstáculos militar. David recolleu as ensinanzas do seu pai e, a finais dos 80, uniuse a outros oito mozos da cidade onde vivía: Lisses, a 40 quilómetros de París.
Ese grupo foi o xerme do parkour, unha práctica que, por ese entón, David e compañía chamaban a Arte do Desprazamento e que estaba evidentemente influenciada por Bruce Lee, Jackie Chan e as artes marciais en xeral. Nos seus comezos, este grupo xuntábase para medir as súas habilidades e forza, pero co tempo convertiuse nalgo máis. David e os seus amigos remataron elaborando unha filosofía física e mental. Buscaron acostumar os seus corpos ao rigor e prohibiron as queixas nos entrenamentos. Ademais, outro principio era a humildade e o respecto.
ALGÚNS MOVEMENTOS BÁSICOS DO PARKOUR
No parkour non hai regras, polo que hai total liberdade de movementos, pero existen algúns que son máis comúns que outros.
EXPOÑENTES DO PARKOUR EN GALICIA
Ver esta publicación en Instagram
¿Gústache esta noticia?Problemas cos comentarios?
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.
¿Gústache esta noticia?
- Susana Rodríguez volve gañar un ouro paralímpico en tríatlon con autoridade
- Os galegos Jacobo Garrido e Juan Ferrón conseguen o diploma paralímpico nos Xogos de París
- Pablo Castrillo asina o primeiro triunfo español en La Vuelta e homenaxea a Manolo Azcona en Manzaneda
- (Vídeo) Galiolímpicos: Coñece a representación galega para os Xogos Paralímpicos de París que xa están en marcha
- O que hai detrás de manterse no máis alto: As claves con Dany Domingos, capitá do Pescados Rubén Burela
- La Vuelta percorrerá cada unha das provincias galegas: "É unha gran volta a Galicia"