Ponteareas celebra o Corpus Christi con 29 alfombras de flores
Este foi o primeiro ano despois da declaración desta celebración como Ben de Interese Cultural (BIC) no apartado de patrimonio Inmaterial.
Por Europa Press / Redacción | VIGO | 02/06/2024 | Actualizada ás 18:00
O municipio pontevedrés de Ponteareas volveu a cubrir as súas rúas con alfombras de flores, un total de 29, para honrar ao Corpus Christi, uns actos nos que participou o presidente da Xunta, Alfonso Rueda. Este foi o primeiro ano despois da declaración desta celebración como Ben de Interese Cultural (BIC) no apartado de patrimonio Inmaterial. Esta cita anual comezou na xornada do sábado co debuxo dos deseños das alfombras para finalizar 12 horas despois, que deron como resultado que as rúas da localidade amencesen cubertas de flores.
Os actos oficiais comezaron coa recepción das autoridades no Concello e a posterior misa solemne. Ao terminar, a alcaldesa da localidade, Nava Castro, e Rueda recibiron a partitura orixinal da Marcha Procesional de Corpus Christi de Ponteareas. Posteriormente, as diferentes autoridades, entre elas o presidente da Deputación de Pontevedra, Luís López, saíron en procesión polas rúas tapizadas con flores e coas paradas nos cinco altares dispostos ao longo do percorrido.
