O tráfico de mercadorías repunta un 17% nos portos estatais en Galicia en maio

Os portos de titularidade estatal en Galicia rexistraron un tráfico de mercadorías de 2.918.074 toneladas, o que supón un 17% máis que no mesmo mes de 2023. Segundo os datos publicados por Portos do Estado, só Vigo rexistra unha caída interanual nas mercadorías movidas en maio, co resto de portos en Galicia con subidas. Con todo, o tocante ao acumulado do ano, entre xaneiro e maio, prodúcese un descenso do 2,2% nos tráficos de portos estatais na comunidade.

Este descenso do cinco primeiros meses prodúcese polo retroceso do 22,1% na autoridade de Ferrol-San Cibrao, á vez que tamén baixa o de Vilagarcía (-2,6%). En cambio, increméntanse os de: Marín-ría de Pontevedra (29,9%), Vigo (9,1%) e A Coruña (2,6%).

CRUCEIROS

Pola súa banda, os viaxeiros en cruceiro aumentaron en maio tanto na Coruña como en Vigo en comparación co mesmo mes de 2023.

A Coruña recibiu 122.878 pasaxeiros (un 44,4% máis) no cinco primeiros meses do ano, o que contrasta con que Vigo baixa a 46.336 no mesmo período (-11,1%).

A máis distancia atópanse os 6.963 viaxeiros en cruceiros chegados á autoridade portuaria de Ferro-San Cibrao, que supoñen máis do dobre que no cinco primeiros meses de 2023. En contraposición, os de Vilagarcía baixan a 321 (-61,6%).

Porto exterior da Coruña. AUTORIDADE PORTUARIA DA CORUÑA | Fonte: Europa Press