Investigadores galegos traballan nunha "biblioteca" que reúna os datos químicos dos laboratorios españois
Na "quimioteca" traballan as tres universidades públicas galegas.
Por Europa Press / Redacción | SANTIAGO DE COMPOSTELA | 28/06/2024 | Actualizada ás 19:54
As tres universidades públicas galegas empezaron a traballar xunto ás fundacións de investigación sanitaria e a Fundación Kaertor na posta en marcha dunha "quimioteca", unha base de datos e biblioteca na que os "grupos químicos" poidan "envorcar" os novos compostos que descubran e na que os biomédicos fagan o mesmo cos seus ensaios tras "identificar enfermidades".
Así o anunciou este venres Mabel Louza, da Fundación Kaertyor, na presentación do Plan Complementario de Biotecnoloxía Aplicada á Saúde en Santiago de Compostela. Na súa intervención, o conselleiro de Educación, Ciencia, Universidades e Formación Profesional, Román Rodríguez, destacou o "gran labor" que realizan os investigadores para "mellorar" a calidade de vida das persoas.
A palataforma Innopharma, da Universidade de Santiago de Compostela, asegurou que xa existe unha quimioteca europea, polo que a "meta" é crear unha en España "para que todos os investigadores teñan acceso aos datos" e así, "poder sacar novos medicamentos e mellorar a vida dos pacientes".
Trátase dunha acción conxunta entre a iniciativa PCBAS Galicia e a Rede Estratéxica 'Sinerxías en descubrimento temperán de fármacos en España', ambas as incluídas nos "plans complementarios". Esta serie de programas cofinanciados polo Estado e as comunidades autónomas "perseguen" a creación de programas de investigación para "fortalecer" o sistema español de I+D+i.
PLAN COMPLEMENTARIO DE BIOTECNOLOXÍA EN GALICIA
O obxectivo princial deste Plan Complementario presentado na Cidade da Cultura, é o desenvolvemento de "ferramentas" para o diagnóstico e prognóstico de "enfermidades de gran prevalencia como o cancro".
Deste xeito, os distintos organismos presentes aseguraron que o seu obxectivo é "axuntar todas as capacidades das comunidades autónomas" para "complementar estratexias", "acelerar" a innovación e "mellorar a saúde da cidadanía.
Durante a presentación, o conselleiro de Educación, Román Rodríguez, resaltou o "traballo coordinado" das comunidades por un "mesmo obxectivo" e puntualizou que isto "non é o habitual". O responsable de Educación tamén subliñou o papel da biotecnoloxía como "aspecto diferencial" da "propsperidad médica e innovadora" en Galicia.
Ademais a Xunta asegurou o seu "compromiso" coa biotecnoloxía está "recollida" na Estratexia de Consolidación da Biotecnoloxía en Galicia, que "aspira" a "converter" a Galicia nunha "biorexión" de referencia para 2025.
