Invenergy Services espera alcanzar os 300 empregados en Galicia o próximo ano
A empresa de enerxías renovables prevé aumentar o seu equipo con novos roles en explotación, mantemento e seguridade.
Por Europa Press / Redacción | Santiago de Compostela | 04/07/2024 | Actualizada ás 19:30
A compañía Invenergy Services, dedicada ás enerxías renovables, espera alcanzar os 300 empregados en Galicia o próximo ano tras a contratación de 30 novos traballadores en áreas de instalación, xestión e mantemento de parques eólicos. A mutinacional que opera desde os municipios coruñeses das Somozas e As Pontes conta nestes momentos con 270 traballadores, segundo informou a compañía a través dun comunicado este xoves.
Agora, espera alcanzar os 300 coa contratación de xefes de proxecto, técnicos de explotación e mantemento, instalación, desmonte, seguridade e obra civil. As novas contratacións en Galicia forman parte da estratexia de expansión global de Invenergy Services, que acaba de anunciar a adquisición, xunto a Patria Investments, da carteira de enerxía eólica de case 600 megawatts de ContourGlobal e Eletrobras en Brasil.
