Renovada a iniciativa que ensina ás persoas maiores utilizar a banca electrónica
As sesións formativas para persoas maiores comezarán o 12 de setembro e concluirán o 14 de outubro
Por E.P. | SANTIAGO DE COMPOSTELA | 18/07/2024 | Actualizada ás 16:49
A Federación Galega de Asociacións Universitarias Séniores (Fegaus) e a Axencia para a Modernización Tecnolóxica de Galicia renovaron este xoves unha iniciativa destinada a que as persoas maiores aprendan a utilizar, entre outros, a banca en liña.
A Xunta de Galicia confirmou a actualización do programa, enmarcado no proxecto "Aliados Dixitais" do Plan DigiTalent 2030, nunha nota de prensa na que detalla a programación das actividades que integran o plan. Un total de cinco sesións formativas que se impartirán de forma telemática e complementaranse con clases presenciais nas zonas rurais do catro provincias galegas.
Entre as actividades previstas inclúense a creación dun pódcast, a gravación de vídeos e o uso de xogos para fomentar o desenvolvemento cognitivo dos participantes. Todo iso co obxectivo de reducir a "fenda dixital" e "promover a autonomía persoal e o envellecemento activo" entre as persoas maiores.
CALENDARIO DAS SESIÓNS
A renovación do proxecto comezou este mércores cunha sesión formativa dirixida aos dinamizadores das aulas da Rede de Centros para a Modernización e a Inclusión Tecnolóxica (Rede CeMIT), colaboradores do proxecto e encargados de coordinar as actividades.
As sesións formativas para persoas maiores comezarán o 12 de setembro e concluirán o 14 de outubro, realizaranse presencialmente, nos centros CeMIT situados en Arzúa, A Estrada, Leiro e Vigo.
