Controlado o incendio de Meis e rexistrado outro lume en Allariz
O primeiro afectou a media hectárea e deste último, polo momento, non hai cifras sobre a superficie afectada.
Por Europa Press / Redacción | PONTEVEDRA | 26/07/2024 | Actualizada ás 18:51
O incendio forestal que foi declarado no municipio pontevedrés de Meis foi controlado na tarde deste venres; mentres que outro lume foi rexistrado en Allariz. Segundo informou a Europa Press a Consellería do Medio Rural, o incendio de Meis quedou controlado ás 18,42 horas e afecta a media hectárea.
Nos labores de extinción participan dous axentes, cinco brigadas, catro motombombas, dous avións e un helicóptero.
Ademais, o departamento autonómico informou de que outro incendio foi rexistrado ás 19,28 horas na parroquia de Queiroás, no municipio ourensán de Allariz. Polo momento non hai cifras sobre a superficie afectada e no control das chamas participan tres axentes, seis brigadas, dúas motobombas, dous avións e dous helicópteros.
O INCENDIO DE MEIS
A Consellería do Medio Rural deu por estabilizado un incendio forestal que afecta o municipio pontevedrés de Meis e que calcinou media hectárea, segundo as estimacións provisionais.
O incendio declarouse na parroquia de Armenteira ao fío das 17.10 horas e sobre as 18.17 horas estaba estabilizado. Ademais, o fume é visible desde varios puntos da ría de Arousa.
