De Ninghures e Mondra clausuran a oitava edición do festival 17º Ribeira Sacra

A música galega será a encargada de pechar unha nova edición do 17º Ribeira Sacra coas actuacións este domingo do grupo de folk De Ninghures e do músico Mondra no Parque Eloisa de Rivadulla, en Chantada, tras un fin de semana de festival. Entre os artistas que pasaron polo seu escenario atópanse nomes como os de Morcheeba, a música electrónica de Say Yes Dog e a aposta pop do artista americano Glassio.

Así mesmo, a organización do evento destacou que as actuacións musicais non son a única actividade que tivo éxito entre o público, senón tamén outras como 'A Cata a Cegas', unha competición entre parellas para demostrar os seus coñecementos do sector vinícola.

O festival enmárcase dentro de Festivais Territorio, un proxecto de experiencias culturais para desenvolver accións exclusivas en espazos de gran riqueza patrimonial e natural. Tal e como o define a organización, trátase de "territorios con fortes valores culturais que necesitan dialogar consigo mesmos e cos seus visitantes para expor un futuro sustentable en termos de cultura, turismo, consumo e desenvolvemento".

O cantante Mondra - Galiciapress