O Imelga remata co rexistro manual no INE de máis de 2.100 autopsias anuais
Instalarase a automatización do proceso.
Por Europa Press / Redacción | SANTIAGO DE COMPOSTELA | 02/08/2024 | Actualizada ás 13:21
A Xunta pilota a aplicación de tecnoloxías de automatización robótica de procesos (RPA) ao rexistro das autopsias no INE, que evitará aos forenses ter que mecanizar manualmente os datos de ao redor de 2.100 persoas cada ano.
Segundo informou o Executivo galego, a solución que está en probas permitirá incorporar os datos que os forenses rexistran no sistema Simelga e envorcalos nos apartados correspondentes do INE.
Deste xeito, reducirán o tempo no rexistro de defuncións, evitarán posibles erros e contribuirán a unha maior fiabilidade das estatísticas do INE. Este é un dos preto de 20 procedementos nos que se está pilotando a aplicación da automatización, tanto na administración xeral autonómica como no ámbito xudicial.
