Estabilizado un incendio en Fornelos de Montes que afecta a seis hectáreas

A Consellería do Medio Rural deu por estabilizado un incendio orixinado este luns no municipio pontevedrés de Fornelos de Montes e que afecta a seis hectáreas, segundo as últimas estimacións. Tal e como trasladou o departamento autonómico, o incendio iniciouse ás 16.31 horas na parroquia de Oitavén e quedou estabilizado ás 20.10 horas. Na súa extinción participan un total de tres técnicos, cinco axentes, sete brigadas, seis motobombas, unha pa, catro helicópteros e tres avións.

Fume provocado por un incendio forestal | Fonte: Gustavo de la Paz - Arquivo