Alerta na Limia: "O perigo é beber auga contaminada con nitratos e pesticidas"

Hai tres anos, o Ministerio de Medio Ambiente, tras constatar evidentes procesos de

eutrofización nas augas do encoro das Conchas e contaminación das augas subterráneas na Chaira da Limia, declararou oficialmente as augas como afectadas. Este prazo de tres años era o tempo máximo que tiña o goberno de Rueda para declarar una zona como vulnerable. "Pero non só non o fixo, senón que volve negar a existencia do problema".

É a denuncia que fai o Movemento Ecoloxista da Limia (MEL) que lembra que hai xa cinco años que a Xunta, no seo da Mesa da Limia, recoñeceu a gravidade da situación ambiental provocada pola excesiva carga gandeira e as malas prácticas agrícolas. Nese momento presentouse o chamado Plan Estratéxico da Limia, que prometía reducir una carga industrial gandeira, construír plantas de tratamento para os xurros porcinos, formar aos agricultores en boas prácticas agrícolas e diversificar e potenciar alimentos de calidade.

"Pasou o tempo e lonxe de aplicar ninguna de estas medidas, esqueceron o plan y retomaron o discurso negacionista", critica. "Nunha fuxida cara a ningures, o goberno galego, alcaldes, sindicatos e agora tamén forzas que tradicionalmente defendían o territorio, adoptan un discurso populista que incita ao sector agrogandeiro a opoñerse cegamente a calquera medida que busque protexer o medio ambiente e saúde pública", engade.

En todo caso, esta entidade ecoloxista alerta de que o verdadeiro perigo non é declarar a Limia como zona vulnerable, senón "o perigo é beber auga contaminada con nitratos e pesticidas". " O perigo é mirar para outro lado mentres os residuos gandeiros —os “puríns”— son esparexidos por montes e parcelas en calquera época do año, sen control", di.

Por iso, o MEL esixe "responsabilidade, medidas reais e fin do negacionismo" e que se declare á Limia zona libre de xurros.