Estabilizan un incendio forestal na Pobra do Caramiñal

A Consellería do Medio Rural deu por estabilizado un incendio forestal no municipio coruñés da Pobra do Caramiñal tras calcinar, segundo as primeiras estimacións, entre 2,5 e tres hectáreas.

O incendio comezou ás 18.09 horas deste xoves na parroquia de Santa María a Antiga e foi estabilizado en 19.53 horas. A columna de fume é visible desde varios puntos da comarca.

No punto traballan catro axentes, nove brigadas, seis motobombas, tres técnicos, tres avións e tres helicópteros