Controlado o incendio forestal en Vilardevós

O incendio forestal que desde este domingo afecta o municipio ourensán de Vilardevós atópase controlado e calcinou 7,7 hectáreas. Do total de hectáreas, 6,5 son de superficie rasa e 1,2 de arboledo, segundo informou a Consellería do Medio Rural.

O lume comezou sobre as 17.58 horas deste domingo na parroquia de Vilar de Cervos e está controlado desde as 22.46 horas. Para a súa extinción foron mobilizados sete axentes, 12 brigadas, seis motobombas, dúas pas, dous técnicos, catro avións e cinco helicópteros.

Un avión de extinción de incendios de Babcock tenta apagar un lume | Fonte: César Argina - EP