O detido por 'menudeo' de drogas en Moaña tiña no seu domicilio 100 doses de heroína
A operación, realizada por axentes da Garda Civil e a Policía Local, levou á detención dun home de 58 anos con antecedentes por delitos similares.
Por Europa Press / Redacción | Santiago de Compostela | 21/08/2024 | Actualizada ás 12:45
O veciño de Moaña detido a principios de semana como presunto autor dun delito contra a saúde pública por 'menudeo' de drogas gardaba no seu domicilio 100 dose de heroína e 4.200 euros en billetes de diferente valor, ademais de sustancia de corte e outras evidencias da súa actividade delituosa. Así o trasladou a Comandancia da Garda Civil, que confirmou que a investigación leva a cabo por parte do equipo E.B.I.O. de Pontevedra.
A detención deste home, de 58 anos de idade, produciuse na mañá do luns, e no operativo participaron efectivos da USECIC e do posto de Moaña (entre eles unha patrulla mixta con axentes da GNR portuguesa, das que se pon en marcha en época estival e en zonas de afluencia turística), con apoio da Policía Local. No rexistro do domicilio do sospeitoso, que ten antecedentes por feitos similares, interviñéronse 100 dose do que aparentaba ser heroína, 4.200 euros e sustancia de corte.
O detido foi posto a disposición do xulgado de instrución de Cangas, que decretou a súa posta en liberdade, coa obrigación de comparecer quincenalmente, investigado por un presunto delito contra a saúde pública.
