Máis de 18.000 galegos levan máis de catro anos en desemprego e a metade deles non percibe prestación

Máis de 18.000 galegos levan máis de catro anos en situación de desemprego e, deles, a metade non percibe prestación algunha, segundo os datos facilitados por UXT. Nun comunicado remitido aos medios este venres, o sindicato demanda ás administracións medidas para favorecer a reincorporación ao mercado laboral destes colectivos.

Das persoas que suman máis de catro anos sen traballo, 9.200 son homes e 8.800 mulleres. O 52% están inscritos como demandantes de emprego pero non perciben ningún tipo de subsidio ou prestación. UXT avisa que, ante esta situación, estas persoas ven obrigadas a recorrer a axudas de carácter universal para poder subsistir. De feito, un terzo están inscritos e reciben algún tipo de prestación deste tipo.

A iso súmase que as prestacións que reciben "son tan baixas" que "normalmente" non impiden que estas persones abandonen a súa situación de risco de exclusión social. O sindicato sinala que o 47% destes desempregados de longa duración teñen máis de 55 anos e contan cun nivel formativo que non supera a primeira etapa de educación secundaria.

Oficina Da Seguridade Social, Oficinas, Emprego, Desemprego, Desempregado