Ferido un motorista tras caer nunha pista forestal de Monfero

Un motorista resultou ferido tras caer nunha pista forestal do municipio coruñés de Monfero, a que baixa da torre de San Bartolomeu ata o encoro do río Eume.

Segundo fontes do 112, o suceso produciuse sobre as 13.30 horas deste domingo e foi un particular o que deu a voz de alarma e detallou que o home podería estar lesionado nunha perna.

Debido ao lugar no que se atopaba ata o punto tiveron que acudir os Bombeiros do Eume para achegar ao ferido ata o punto onde foi recollido pola ambulancia. Ademais dos Bombeiros, no operativo participou Urxencias Sanitarias de Galicia-061 e a Garda Civil.

Sala de operacións 112 Galicia | Fonte: XUNTA - Arquivo